Мадрид клублари энди Мессидан қўрқмайди!

Испания чемпионатининг 35-турида “Барселона” ўз майдонида “Атлетико”ни қабул қилди ва ушбу баҳсда ҳисоб очилмади.

Рақиб дарвозасига йўл топа олмаган “Барселона” етакчиси Лионель Месси охирги 15 йилда илк бор примера ўйинларида Мадрид клубларига гол уролмади.  Охирги марта Месси 2005-2006 йилги мавсумда мадридликларни ранжита олмаган эди.

Жорий мавсумда каталонияликлар Мадрид жамоалари билан бўлган беллашувларда атиги иккита тўп киритди. Ҳар икки гол “Реал” дарвозаси тўридан жой олди. Уларга Ансу Фати ва Оскар Мингеза каби ёш футболчилар муаллифлик қилди.

“Барселона” ва “Атлетико” ўртасидаги дуранг “Реал” фойдасига ишлайдиган бўлди. “Қироллик клуби” бугун “Севилья” устидан зафар қучса, очколари сонини 77 тага етказиб, мусобақа жадвалида биринчи ўринда турган ҳамшаҳарларига етиб олади. Ҳисобида 75 очко бор “Барселона” эса, чемпионлик йўлида Мадрид клубларининг очко йўқотишини кутишга мажбур.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар