Мадридликлар “Барса” юлдузини олиб кетади

“Барселона”нинг энг истеъдодли ўйинчиларидан Фермин Лопес профессионал фаолиятини Испания чемпионатининг бошқа клубида давом эттириши мумкин.

Журналист Себастьен Видалнинг маълум қилишича, Мадриднинг суперклуби “Атлетико” 22 ёшли ҳужумкор футболчини ёз учун асосий трансферлар рўйхатига киритди.

Каталония клуби молиявий аҳволидан келиб чиқиб, яхши таклиф бўлса, Фермин Лопесни қўйиб юборишга қарши эмаслигини билдирган.

Якунланган мавсумла Фермин барча турнирларда 46 маротаба майдонга тушиб, рақиблар дарвозасини саккиз марта ишғол қилди ва жамоадошларига ўнта голли пас узатди.

Лопеснинг “Барселона” билан шартномаси 2029 йилнинг ярмигача давом этади. Transfermarkt экспертлари бу ўйинчининг трансфер нархини 50 миллион еврога баҳолаган.