Мадридликлар “Барса”ни танлаган Альваресни “синдиришмоқчи”

Нуфузли манбалардан ҳисобланган Mundo Deportivo нашрида аргентиналик машғур тўпурар Хулиан Альвареснинг келажаги ҳақида мақола чоп этилди.

Аргентиналик ҳужумчи омма олдида «Атлетико»ни тарк этиш ва «Барселона»да ўйнаш истагини очиқча билдирган. Унинг сўзларига кўра, ўз орзусини амалга оширишни хоҳлайди.

Бироқ мадридликлар Альваресни «Барселона»га сотиш ниятида эмас. «Матрасчилар» футболчини фақат шартномасида белгиланган 500 миллион евролик товон пули тўланган тақдирдагина қўйиб юборишларини маълум қилишган.

Нашрнинг таъкидлашича, «Атлетико» клуб қарорларига қарши бораётгани учун Хулиан  Альваресни бутун бир мавсум давомида захирада қолдириш орқали жазолаши мумкин.

Бу ҳолатда клуб шартномани бузмаган ҳисобланади. Фақат футболчи машғулотлардан четлатилса, шартнома бузилган, деб қаралади. Альварес машғулотларда иштирок этаётган экан, клуб ҳеч қандай қоидабузарлик қилмаган бўлади.