Мадридликлар футболчига босим ўтказаётган "Барса" устидан шикоят қилди

«Атлетико» ҳужумчи Хулиан Альварес атрофида юзага келган вазият бўйича «Барселона» устидан расмий шикоят йўллади. Бу ҳақда Diario AS нашри хабар берди.

Манбага кўра, Испания футбол федерацияси (RFEF) каталониялик клубни аргентиналик футболчини ўз сафига қўшиб олиш мақсадида унга босим ўтказишда айблаётгани ҳақида «Барселона»ни расман хабардор қилган. Энди «Барселона»нинг юридик хизматига қўйилган айбловларни рад этиш учун бир неча кун вақт берилган.

Шу билан бирга, ишнинг муваффақиятли якунланиши эҳтимоли жуда паст экани таъкидланмоқда. Сабаби, ҳам Испания футбол федерацияси, ҳам Халқаро футбол ташкилоти (ФИФА) бу масала бўйича тўлиқ ваколатга эга эмас.

Эслатиб ўтамиз, Хулиан Альвареснинг «Атлетико» билан тузган шартномасидаги тўлов миқдори 500 миллион евро этиб белгиланган.