Madridliklar qo‘shnimizga futbol akademiyasi ochib beradi

Qozog‘iston Respublikasi prezidenti Qasim-Jomart Toqaev Madridning “Atletiko” klubi rahbari Enrike Sereso Torres bilan uchrashdi.

Uchrashuvda Qozog‘iston prezidentiga mamlakatda “Atletiko” futbol akademiyasini ochishga mo‘ljallangan loyiha taqdim etildi. Toqaev  futbol rivojiga xizmat qiladigan bu tashabbusni to‘liq qo‘llab-quvvatlashini bildirdi.

“Atletiko” futbol akademiyasini Talgar shahridagi Akbulak Olimpiya markazi bazasida ochish rejalashtirilgan.

Uchrashuvda Enrike Sereso Torres davlat rahbariga “Atletiko” futbolchilari avtografi tushirilgan futbolkani sovg‘a qildi.

“Atletiko” 11 karra Ispaniya chempioni, o‘n karra mamlakat kubogi sohibi va uch karra Evropa Ligasi g‘olibi hisoblanadi. Bundan tashqari, bu jamoa o‘z tarixida ikki bor Evropa Chempionlar ligasida ham g‘olib chiqqan.