Магуайр ҳозироқ "Манчестер Юнайтед"ни тарк этиши керак!

"Манчестер Юнайтед"нинг собиқ ҳимоячиси Рио Фердинанд манкунианликлар ҳимоячиси Харри Магуайрга жамоани тезроқ тарк этишни маслаҳат берди, чунки "қизил иблислар"нинг амалдаги бош мураббийи Эрик тен Хаг унга ишонмайди.

“Харри Магуайр ҳозироқ жамоани тарк этиши керак. Унинг ўрнига Люк Шоу марказий ҳимояда ўйнайди. Бу гўё мен жаҳон чемпионатида ажойиб ўйин кўрсатиб қайтганимдан сўнг, Патрис Эвра марказий ҳимоячи ўрнида ўйнагандек”, - деди Фердинанд.

Маълумот учун, 29 ёшли Магуайр жорий мавсум “Манчестер Юнайтед” сафида 13 та ўйинда майдонга тушди. Англиялик ҳимоячининг клуб билан шартномаси 2025 йилнинг ёзига қадар тузилган.