Магуайр: "Манчестер Юнайтед"га кучли трансферлар керак"

"Манчестер Юнайтед" ҳимоячиси Xарри Магуайр ёзги трансфер ойнаси жамоа учун ҳал қилувчи аҳамиятга эга бўлишини таъкидлади. Унинг сўзларини "The Athletic" нашри келтирди.

Футболчининг айтишича, клубга жамоани кучайтириш учун кўпроқ сифатли ўйинчилар зарур. "Бу ёз жуда катта бўлади. Бизга кўпроқ футболчилар керак, бизга кўпроқ сифат керак. Биз асосий таркибини кучайтирадиган ўйинчиларга муҳтожмиз", — деди Магуайр.

У шунингдек, янги мураббий қўл остида "Манчестер Юнайтед" сўнгги ойларда яхши натижалар кўрсатаётганини қайд этди. Унинг фикрича, "қизил иблислар" аста-секин кучли жамоага айланиб бормоқда.

31-турдан сўнг "Манчестер Юнайтед" Англия Премьер-лигаси турнир жадвалида 55 очко билан учинчи ўринни эгаллаб турибди.