Магуайр Шоуни ҳимоя қилди

"Манчестер Юнайтед" ҳимоячиси Харри Магуайр жамоадоши Люк Шоуни қўллаб-қувватлади. Аввалроқ Шоунунг ўйинини клубнинг собиқ капитани Рой Кин танқид қилган эди. Ушбу вазиятга эса Магуайр ўзининг фикрларини билдириб ўтди

"У 250-300 та ўйинда МЮ шарафини ҳимоя қилмасди, агар яхши футболчи бўлмаганида.

Люк – ажойиб ўйинчи. Ҳар гал янги мураббий келганда, унга МЮнинг фахрийси сифатида кўплаб саволлар берилади. Бу клубда доимо шундай бўлади.

Аммо ҳар бир мураббий Люкни асосий таркибга қўяди. Бунга сабаб бор – у ҳар доим ажойиб футболчи бўлган ва шундай бўлиб қолади", – деди Магуайр.