Магуайр учун мавсум ўз ниҳоясига етди

"Кристал Пэлас"га қарши ўйин олдидан "Манчестер Юнайтед" сафида жиддий йўқотиш. Клубнинг асосий ҳимоячиларидан бир Харри Магуайр машғулотларда мушакларидан жароҳат олди. Англиялик фулбек камида 3 ҳафта майдонга туша олмайди, дея хабар бермоқда айрим нашрлар. Катта эҳтимол билан, унинг учун мавсум ўз ниҳоясига етди. 

"Қизил иблислар" Англия кубоги финалига йўл олганидан хабарингиз бор. Манчестерликлар мазкур баҳсгача Магуайрни сафга қайтишига умид қилмоқда. Сабаби, таркибда жароҳатда бўлмаган марказий ҳимоячилар деярли қолмади. Фақатгина Жонни Эванс кейинги ўйинларда иштирок этиши мумкин. 

Сўнгги пайтларда ўзига бўлган ишончни яна қайтариб олган Харри "Евро-2024" турнирида ҳам терма жамоанинг муҳим футболчиларидан бири бўлиши кутилмоқда. "Уч шерлар" "C" гуруҳидан ўрин олган бўлиб, Дания, Сербия ва Словенияга қарши ўйнайди.