Макелеле «Олтин тўп» учун Мбаппе номзодини қўллаб-қувватлади

«Реал» клубининг собиқ ярим ҳимоячиси Клод Макелеле француз терма жамоаси етакчиси Килиан Мбаппени қўллаб-қувватлаб, унга «Олтин тўп» совринини қўлга киритишини тилади. 2026 йилги жаҳон чемпионатида форвард олти ўйинда саккизта гол уришга муваффақ бўлди.

«Чин дилдан истайманки, Мбаппе «Олтин тўп»ни ютсин. Бу мавсумда у «Реал» билан катта соврин ололмади, лекин жаҳон чемпионатида кўрсатаётган ўйини ҳақиқатан ҳам ўта юқори даражада. Килиан йиллар давомида намойиш қилаётган барқарор ва юқори натижалар унинг Роналдо билан ўхшаш жиҳатларини янада яққолроқ кўрсатмоқда. Бежизга Роналдони «Феномен» деб аташмаган — Мбаппени ҳам ўз авлоди феномени, десак, адашмаймиз. Ишончим комилки, Килиан биз учун ҳали кўп кутилмаган сюрпризлар тайёрлаб қўйган. Менинг фикримча, ҳозирги кунда айнан Мбаппе Роналдо меросига энг яқин турган футболчи», — дея Макелеленинг сўзларини келтиради Marca нашри.

Жаҳон чемпионати 19 июл куни якунланади. Ярим финалда Франция — Испания ва Англия — Аргентина жуфтликлари баҳс олиб боради.