Максим Шацких Россия клубида иш бошлаши мумкин

"Динамо" Киев клубининг собиқ бош мураббийи Александр Хацкевич Россиянинг "Ротор" клубини бошқаришга яқин турипти.

Белоруслик мутахассис Волгоград клубида иш бошлаш учун Максим Шацкихни таклиф қилди. 47 ёшли Хацкевич ҳамюртимизни ўзига ёрдамчи мураббий қилиб олмоқчи.

Ўзбекистон миллий терма жамоасининг собиқ ҳужумчиси Хацкевични ассистенти бўлгунига қадар, Лобановски номидаги "Динамо"нинг академясида тахминан 1 йил муддат фаолият юритганди.

Маълумот учун, "Ротор" Олим-ФНЛ лигасининг 25-туридан сўнг, турнир жадвалида пешқадамлик қилмоқда. Жамоани бошқариб келган мутахассис Игорь Меньщиков ўтган ҳафтада ишдан бўшаган.