Малайзия чемпионати. Легионерларимиз илк турни қандай ўтказди?

Малайзия чемпионати янги мавсуми старт олди.

Суҳроб Нуруллоев ҳаракат қилаётган "Кедаҳ" сафарда ПДРМ ФА жамоаси устидан минимал ҳисобда ғалаба қозонди. Легионеримиз асосий таркибда тушиб, 86 дақиқа ўйнади.

Қувондиқ Рузиевнинг "Сри Паҳанг" жамоаси ўз майдонида "Келантан ДНФC"ни 1:0 ҳисобида таслим этди. Рузиев 75-дақиқада захирага олинди.

Нурилло Тўхтасинов голлар сериясини бошлаб олди. У ҳаракат қилаётган "Теренггану" клуби "Перак"ни 3:1 ҳисобида мағлуб этди. Нурилло жамоасининг биринчи голига муаллифлик қилди.

Умар Эшмуродов ҳаракат қилаётган "Селенгор" жамоаси иштирокидаги ўйин эса қолдирилди.