Малайзия Суперлигаси. "Селангор" -"Кучинг Сити": Эшмуродов ўйиннинг энг яхши футболчиси бўлди (Фото)

Малайзия суперлигасининг 10-турида ҳамюртимиз Умарбек Эшмуродов тўп тепаётган "Селангор" жамоаси ўз стадионида "Кучинг Сити"га қарши баҳс олиб борди. Мазкур учрашув мезбонларнинг 4:0 ҳисобидаги ғалабаси билан якунланди.

Легионеримиз ўйинни асосий таркибда бошлади. Эшмуродов иккинчи бўлимнинг 75-дақиқасида жамоасининг учинчи голини киритди ва ўз исмини таблога ёздириб қўйди.

Беллашувни ажойиб тарзда ўтказган футболчимиз ўиннинг энг яхши футболчиси деб топилди.