Мана драма! Аргентина пенальтилар сериясида Нидерландиядан устун келди

ЖЧ-2022 чорак финалидан ўрин олган Нидерландия - Аргентина баҳси якунига етди. Мазкур учрашувнинг асосий вақтида 2:2 ҳисоби қайд этилди. 

Дастлаб, Молина Леонинг пасидан сўнг учрашувда ҳисобни очди. 73-дақиқа ўтиб бораётган бир пайтда Месси орадаги фарқни иккитага етказиб қўйди. 83-дақиқада Вегхорст фарқни қисқартирди. Ҳакам томонидан қўшиб берилган дақиқаларнинг сўнггисида унинг ўзи фарқни йўққа чиқарди. 

Экстра таймларда ҳам вазият ўзгармади. Пенальтилар сериясида эса "альбисилесте" 4:3 ҳисобида зафар қучди.

Шу тариқа, Скалони шогирдлари ярим финал йўлланмасига эга чиқди.