Манба: Месси 2023 йил 1 июль куни "Барселона"га қайтади (фото)

ПСЖ ҳужумчиси Лионель Месси июль ойида "Барселона"га қайтади, деб ёзди аргентиналик журналист Вероника Брунати твиттердаги саҳифасида.

Манбага кўра, 35 ёшли аргентиналик футболчи Каталония клуби билан 2023 йилнинг 1 июлида шартнома имзолайди.

Олдинроқ, Лионель Месси келажаги ҳақида шу мавсум якунланганидан кейин қарор қабул қилиши ҳақида хабар берилганди.

Месси 2004 йилдан 2021 йилнинг ёзига қадар "Барселона" ўйинчиси сифатида ҳаракат қилган. Клуб таркибида аргентиналик футболчи ўн марта Испания чемпионлигини, саккиз марта Испания Суперкубоги ва 7 марта Испания кубогини қўлга киритган. Шунингдек, ҳужумчи 4 марта Чемпионлар лигаси, уч марта УEФА Суперкубоги ва уч марта клублар ўртасидаги жаҳон чемпионатида ғолиб чиққан.

Аргентиналик футболчи 2021 йилнинг августида “Барселона”дан ПСЖга ўтган эди.