Манба: Хавбек МЮ билан янги шартномага имзо чекди

"Манчестер Юнайтед" ярим ҳимоячиси Неманья Матич "қизил иблислар" билан шартномани узайтирди.

Италиялик журналист Жанлука Ди Марцио хабарига кўра, сербиялик футболчи манкунианликлар билан 2023 йилгача мўлжалланган келишувга имзо чекди.

Таъкидланишича, хавбек учун А Сериянинг бир қанча клубларидан таклифлар бўлишига қарамасдан, у "қизил иблислар" таркибида қолишга қарор қилган.

Жорий мавсумда Матич Англия чемпионатида 16 та учрашувда майдонга тушиб, иккита голли узатма муаллифи бўлди.

Матнда хатолик топсангиз, ўша хатони белгилаб, бизга жўнатинг (Ctrl + Enter)