“Манчестер Сити” арзон футболчиларини 130 миллион евролик юлдузга алишмоқчи

“Манчестер Сити” мутасаддилари Бундеслиганинг энг ёрқин ўйинчиларидан Флориан Вирцни жамоага қўшиб олиш йўлларини қидирмоқда.

Айни пайтда “Байер”да ўйнаётган 21 ёшли ҳужумкор футболчига Европанинг бир неча гранд клублари даъвогарлик қилмоқда.

Хусусан, “Реал” бу футболчини Испанияга олиб кетмоқчи бўляпти, “Бавария” эса янги лойиҳани айнан Вирцни олиб келиб, унинг атрофида қуришни режа қилган.

Бу орада “шаҳарликлар” Вирцнинг трансфер суммасини арзонлаштиришга уринмоқда. Улар шартномага икки ўйинчисини қўшишга тайёр. “Манчестер Сити” мутасаддилари Леверкузен клуби хўжайинларига Оскар Бобб ёки Жейсм Макэйтани олишни сўраяпти.

Бобб 25 миллион, Макэйта эса 12 миллион еврога баҳоланган. Флорианнинг трансфер нархи 130 миллион еврони ташкил қилади ва бу сумма ўсишда давом этмоқда.

Бундеслига чемпиони Англия чемпионининг бу таклифига ҳали жавоб қайтаргани йўқ.