"Манчестер Сити" Бернарду Силвадан қутулмоқчи
"Манчестер Сити" ярим ҳимоячи Бернарду Силвадан "шаҳарликлар" сафини тарк этиш истагини билдиришни кутмоқда, дея хабар берди журналист Жерар Ромеро.
Олдинроқ "Барселона" 28 ёшли португалиялик футболчига қизиқиш билдираётгани хабар қилинганди, бироқ инглиз клуби ўз футболчиси билан хайрлашмоқчи эмаслигини маълум қилди.
“Манчестер Сити” Бернарду Силванинг кетишини истамоқда деб ўйлайман. Менимча, “шаҳарликлар” Бернардунинг ўзи раҳбариятидан жамоани тарк этишини хоҳлаётганини айтишини кутмоқда”, — деди Ромеро.
Силванинг "Манчестер Сити" билан амалдаги шартномаси 2025 йилнинг ёзига қадар мўлжалланган. “Transfermarkt” портали Португалия терма жамоаси футболчисини 80 миллион еврога баҳоламоқда.
Футболчи Премьер лиганинг жорий мавсумида учта ўйин ўтказиб, битта гол ва битта голли узатмага муаллифлик қилган.
Фикрлар