"Манчестер Сити" Браво ўрнига Лондон клуби дарвозабонини олиб келмоқчи

"Манчестер Сити" клуби "Кристал Пэлас" дарвозабони Висенте Гуаитенинг хизматларига жиддий қизиқиш билдира бошлади. Бу ҳақда AS нашри хабар тарқатмоқда.

Юқоридаги манбаага кўра “шаҳарликлар” 23 ёшли испаниялик посбонни етарли ўйин амалиётига эга бўлолмаётгани сабаб жамоадан кетмоқчи бўлиб юрган чилилик дарвозабон Клаудио Браво ўрнига муносиб кўришмоқда.

Ўз навбатида лондонликлар у январда бошқа жамоага кетиб қолмаслиги учун у билан келишувни узайтиришмоқчи.

Маълумот учун, Гуаите жорий мавсум АПЛда 16 та ўйинда майдонга тушди ва шулардан 4 тасида ўз дарвозаси дахлсизлигини сақлаб қолди.