“Манчестер Сити” футболчиси ҳақида миш-мишлар ўзини оқламади

“Манчестер Сити” ярим ҳимоячи Бернарду Силва “шаҳарликлар” сафини тарк этиш хақида ўйламаяпти. Аввалроқ, испан ОАВда футболчи инглиз клубидан кетмоқчи эканлиги ҳақида хабарлар тарқалган эди. Бироқ якунда бу миш-мишлар ўзини оқламади ва футболчи “Этиҳад”дан кетиш борасида ўйлагани йўқ.

Шунингдек, Бернарду Силва "Барселона"га ўтиши мумкинлиги маълумотлар ҳам бор. Лекин бу хабарлар ҳам ўз тасдиғини топмади.

Бернарду 2017 йилдан бери "Манчестер Сити" шарафини ҳимоя қилиб келмоқда. Футболчи сўнгги беш мавсум давомида “шаҳарликлар” сафида 249 та ўйин ўтказиб, ўз ҳисобига 48 та гол ва 50 та голли узатмани ёздириб қўйган.

Эслатиб ўтамиз, “Ман Сити” якунига етган мавсум Англия Чемпионлигини қўлга киритди.