"Манчестер Сити" футболчисидан тезроқ воз кечмоқчи

"Манчестер Сити" раҳбарияти португалиялик ярим ҳимоячи Бернарду Силва бўйича режаларини белгилаб олди. Бу ҳақда журналист Саша Тавольери маълум қилмоқда.

Манбанинг хабар беришича, "шаҳарликлар" футболчини келгуси мавсумда ўз режаларига киритмаётганлиги ҳақида огоҳлантирган. 30 ёшли ярим ҳимоячининг шартномаси 2026 йилнинг ёзида тугайди. Инглиз клуби келаси йили ёзда Силвани бепулга кетиб қолишини олдини олиш учун уни шу йилнинг ёзида сотиши мумкин.

Аввалроқ, ОАВда хавбекка Лиссабоннинг "Бенфика" клуби қизиқиш билдиргани ҳақида хабарлар тарқалган эди. Силва 2017 йилнинг ёзидан бери "Манчестер Сити" шарафини ҳимоя қилиб келмоқда. Футболчининг трансфер нархи 45 миллион еврога баҳоланмоқда.