"Манчестер Сити" футболчисини бошқа клубга таклиф қилди

"Манчестер Сити" футболчиси Омар Мармуш бошқа клубга кетиши мумкин.

 "Шаҳарликлар" сафида доимий ўйин амалиётига эга бўла олмаётган Мармушнинг жамоадаги келажаги мавҳумлигича қолмоқда. У ҳар доим ҳам жамоанинг асосий таркибига кира олмаяпти. Бундан ташқари Антуан Семеньонинг клубга келиши Мармушнинг ўйин вақти яна ҳам камайишига сабаб бўлиши мумкин. "Transfer News Live" нашри берган хабарга кўра, Мармуш номзоди "Галатасарой"га таклиф қилинган. 26 ёшли футболчи манчестерликларни бутунлай тарк этишни истамаяпти - у фақат ижара вариантини кўриб чиқиши мумкин. Футболчининг хизматларига "Тоттенхэм" ва "Астон Вилли" жамоалари ҳам қизиқиш билдирмоқда.

Маълумот учун, Мармушнинг "шаҳарликлар" билан амалдаги шартномаси 2029 йилда якунига етади.