“Манчестер Сити” Гвардиоланинг кетишига тайёргарлик кўрмоқда

“Манчестер Сити” раҳбарияти жамоани бир неча йилдан бери муваффақиятли бошқариб келаётган Хосеп  Гвардиоланинг кетишига тайёрлана бошлади.

Журналист Хорхе Пиконнинг маълум қилишича, “шаҳарликлар” келаси йили шартномаси тугайдиган испаниялик мутахассисни янги битимга кўндиришига ишонмаяпти.

Аслида Гвардиола бош мураббий сифатида бир жамоада узоқ ишламас эди. Аввалги жамоаларидан “Барселона”ни тўрт йил ва “Бавария”ни уч йил бошқарган.

Пеп Манчестерга 2016 йили келган ва ҳамон  жамоа бошқарувини ўзида ушлаб турибди. Унинг қўл остида “Манчестер Сити” жуда катта ютуқларни қўлга киритди. Хусусан, “шаҳарликлар” ўтган мавсум ўз тарихида илк бор УЕФА Чемпионлар лигасида зафар қучди.