"Манчестер Сити" ҳимоячисига учта клуб қизиқиш билдирмоқда

"Манчестер Сити" марказий ҳимоячиси Эмерик Ляпорт тез орада клубини ўзгартириши мумкин.

Испаниялик футболчи жорий мавсумда "шаҳарликлар"нинг асосий таркибига кира олмаяпти. Журналист Серхио Фернандес хабарига кўра, 28 ёшли ҳимоячига "Ньюкасл", "Ювентус" ва "Милан" клублари қизиқиш билдирмоқда.

Агар таклиф тушса, марказий ҳимоячининг ўзи "Барселона"га ўтишни афзал кўради. "Атлетик" Билбао ҳам шогирдини қайтариш ҳақида ўйламоқда.

Лапортнинг ҳозирги қиймати "Transfermarkt" экспертлари томонидан 30 миллион еврога баҳоланмоқда.