“Манчестер Сити”: Кевин де Брюйне ўрнига бешта номзод бор!

Бир неча йиллар давомида “Манчестер Сити”да етакчи плеймейкер вазифасини бажариб келган Кевин де Брюйне мавсум охирида клубни тарк этишини эълон қилди.

“Шаҳарликлар” ҳозирнинг ўзида бельгиялик ўйинчининг ўрнини босиши мумкин бўлган бир гуруҳ янги ижрочиларнинг рўйхатини шакллантириб қўйди. Энди клуб мутасаддилари рўйхатдан ўрин олган футболчилар билан келишишга уриниб кўради.

Демак, “Манчестер Сити” нишонидаги плеймейкерлар билан танишинг:

Хави Симонс — 21 ёшли футболчи “Лейпциг”даги ўйинлари билан Европанинг қатор грандларини ўзига қаратиб келмоқда. Универсаллиги ва ўйинда мувозанатни сақлаб туриши билан эътибор қозонан истеъдод эгаси 70 миллион еврога баҳоланяпти.

Флориан Вирц  — жуда муҳим номзод. Ўтган мавсум “Байер”ни чемпионликка етаклаган 21 ёшли ҳужумкор футболчи майдонни яхши кўра олади ва техник сифатлари жуда юқори. Нархи ҳам шунга яраша – 120 миллион евродан баланд баҳоланмоқда.

Фермин Лопес  — “Барселона” кашфиётларидан. “Манчестер Сити” 21 ёшли креатив футболчини анчадан бери кузатиб келмоқда.

Николо Барелла  — қолган номзодларга нисбатан катта тажрибага эга. “Интер”нинг муваффақиятларида унинг хизмати катта.

Тижани Рейдерс  — А Серияла “Милан” шарафини ҳимоя қилаётган бу футболчи барқарорлиги  ва тактик саводи билан ажралиб туради.

Танловни Хосеп Гвардиола амалга ошириши лозим. Испаниялик мутахассис бир қарорга келишидан олдин бу номзодлардан қай бири жамоага идеал мос тушишини аниқлаб олиши талаб этилади.