"Манчестер Сити" "Милан" футболчиси билан шартнома имзолади!

Хосеп Гвардиола бошчилигидаги "Манчестер Сити" Райан Шеркидан сўнг "Милан" ҳавбеки Тийани Рейндерс билан шартнома имзолади. 
 
Фабрицио Романонинг хабар беришича, футболчи "шаҳарликлар" билан 5 йиллик шартномага имзо чеккан. Ушбу трансфер расман якунлангандан сўнг нидерландиялик футболчи ўз фикрлари билан ўртоқлашди. 
 
"Мен манчестерликлар билан шартнома имзолаётганимдан жуда мамнунман. 
 
"Сити" дунёдаги энг кучли жамоалардан бири бўлиб, энг зўр мураббий, жаҳон даражасидаги футболчилар ва ажойиб спорт иншоотларига эга. Пеп Гвардиола раҳбарлигида жамоа кўплаб ютуқларга эришди ва мен келгуси йилларда бу муваффақиятларни янада кўпайтириш учун ўз ҳиссамни қўшмоқчиман. 
 
Англия Премьер-лигасида ўйнаш ҳам мен учун орзунинг рўёби ҳисобланади. Бу лигада кўплаб энг яхши голландиялик футболчилар ўйнаган ва уларнинг изидан бориш менга илҳом беради. Ўйинларда иштирок этишни, жамоадошларим билан танишишни ва мухлисларга ўз маҳоратимни кўрсатишни интиқлик билан кутяпман" - дея таъриф бериб ўтди 26 ёшли футболчи.