"Манчестер Сити" ўйинчиларининг Энцо Фернандес трансферига муносабати қандай бўлди?

«Манчестер Сити»нинг ўнг қанот ҳимоячиси Матеус Нунес жамоага Энцо Фернандеснинг қўшилиши ҳақида фикр билдирди.

«Шаҳарликлар» аргентиналик ярим ҳимоячини ёзги трансфер ойнаси якунланиш арафасида «Челси»дан 145 миллион евро эвазига сотиб олди.

«Ростини айтсам, бу трансфер амалга ошадими-йўқми, билмасдик. Биз ҳар доим энг кучли футболчилар жамоамизда тўп суришини истаймиз. Энцо шундай ўйинчилардан бири, шунинг учун унинг келиши ҳақидаги хабар биз учун жуда ёқимли бўлди. Олдин ҳам таркибимизда юқори даражадаги футболчилар етарли эди, лекин Энцо шубҳасиз жамоани янада кучайтиради», – дея Нунес сўзларини келтиради City Xtra.

Энцо Фернандес «Манчестер Сити» билан 2032 йилгача мўлжалланган шартнома имзолади. Унинг дебюти яқинда Премьер-лига доирасида «Ковентри»га қарши ўйинда содир бўлди.