"Манчестер Сити" рақибни аяб ўтирмади

Европа Чемпионлар лигаси гуруҳ босқич 3-тури "А" гуруҳидан ўрин олган "Брюгге" - "Манчестер Сити" учрашуви якунланди. Бир томоннинг яққол устунлигида ўтган баҳсда Гвардиола шогирдлари рақибдан 5:1 ҳисобида устун келди. 

"Шаҳарликлар" сафида Маҳрез дубль қайд этган бўлса, Палмер, Уокер ва Канселу биттадан гол уришга муваффақ бўлди. Бельгия жамоаси сафида Ванакен рақиб голларига бир бор жавоб қайтара олди. 

Очколарини 6 тага етказиб олган "Сити" айни дамда ўз гуруҳида 6 очко билан 1-ўринга кўтарилиб олди. "Брюгге" ҳисобида ҳозирча 4 очко бор ва улар 3-поғонани банд этган. 



Шунингдек, "Бешиктош" майдонига сафар қилган "Спортинг" ҳам бу турда йирик 4:1 ҳисобидаги ғалабани қўлга киритди ва "С" гуруҳидаги 3-ўринга кўтарилиб олди.