“Манчестер Сити” “Реал”нинг ёш юлдузини олмоқчи

“Реал Мадрид” ярим ҳимоячиси Арда Гулер “Манчестер Сити”нинг қизиқишлар доирасига кирди. Бу ҳақида TodoFichajes хабар бермоқда.

Манбада ёзилишича, “шаҳарликлар” Кевин де Бруйне клубдан кетиш эҳтимоли юқори бўлганлиги учун унинг ўрнига номзодлар қидирмоқда.

Маълум қилинишича, “Манчестер Сити” 19 ёшли туркиялик футболчидан ташқари, “Вильярреал” ярим ҳимоячиси Алекс Баена ва “Лас-Пальмас” ўйинчиси Алберто Молейроларни ҳам кутатиб бормоқда.

Жорий мавсум Гулер “қироллик клуби” учун 11 та учрашувда майдонга тушиб, ҳеч қандай гол ёки ассист амалга оширмади. Унинг шартномаси 2029 йилгача амал қилади.