“Манчестер Юнайтед” Аморимга арзон футболчи олиб берди

Рубен Аморим янги бош мураббий бўлиб келганидан кейин “Манчестер Юнайтед” биринчи трансферни амалга оширди.

Парагвайлик ҳимоячи Диего Леон энди фаолиятини манчестерликлар сафида давом эттиради. Бу ҳақда таниқли инсайдер Фабрицио Романо маълум қилди.

Манбага кўра, Диего Леон “Манчестер Юнайтед”га келаси йлнинг ёзида 18 ёшга тўлганидан кейин кўчиб зтади.

Ёш иқтидор эгасининг трансфери учун манчестерликлар “Серро Портеньо” жамоаси ҳисоб-рақамига 4 миллион евро ўтказиб берган. Бундан ташқари, футболчининг натижалари асосида бонуслар тўлаб борлиши ҳам кўзда тутилган.