"Manchester Yunayted" "Arsenal" yulduzini sotib olish imkoniyatini o‘rganmoqda

«Manchester Yunayted» «Arsenal» tarbiyalanuvchisi, yosh himoyachi Maylz Lyuis-Skelliga qiziqish bildirgani xabar qilinmoqda. The Independent nashrining yozishicha, mankunianliklar futbolchini sotib olish imkoniyati bor-yo'qligini aniqlash maqsadida «kanonirlar»ning pozitsiyasini o‘rganmoqda.

Manbaga ko‘ra, «Arsenal» hozircha o‘z akademiyasidan yetishib chiqqan bu futbolchini jamoada saqlab qolish tarafdori. Lyuis-Skelli o‘tgan mavsumni yuqori darajada yakunladi va UEFA Chempionlar ligasi finalida «Pari Sen-Jermen»ga qarshi bahsni asosiy tarkibda boshlab, muhim o‘rin tutdi. Shu bilan birga, vaziyat kutilgan ikki transfer — Bruno Gimarains va Vinisius Juniyor kelishidan so‘ng o‘zgarishi mumkin. Agar bu bitimlar amalga oshsa, yangi yulduzlar kelishi yosh himoyachining jamoadagi maqomiga ta’sir qilishi va uni o‘z kelajagini qayta ko‘rib chiqishga majbur qilishi ehtimoldan holi emas.

Hozircha «Arsenal» Lyuis-Skellini faol ravishda sotish rejalashtirilayotgan futbolchilar ro‘yxatiga kiritmagan.