"Манчестер Юнайтед" "Барселона" футболчиси учун курашга қўшилди

"Барселона" жамоасининг чап қанот ҳимоячиси Алехандро Бальде ёзги трансфер ойнасида сотилиши мумкин бўлган номзодлардан бири ҳисобланади.

Маълумотларга кўра, каталонияликлар футболчи бўйича тушадиган таклифларни кўриб чиқишга тайёр. Унга даъвогарлардан бири сифатида "Манчестер Юнайтед" қайд этилмоқда.

Manбага кўра, "кўк-анорранглар" 22 ёшли футболчи учун тахминан 50 миллион евро талаб қилмоқчи. Transfermarkt экспертлари эса унинг қийматини бироз юқорироқ — 55 миллион евро деб баҳолаган.

Жорий мавсумда испаниялик футболчи Ханс-Дитер Флик бошқараётган жамоа сафида барча мусобақаларда 38 та ўйинда майдонга тушиб, 3 та голли узатмага муаллифлик қилган.