“Манчестер Юнайтед” бу дарвозабонни кетказиб катта хато қилган

“Манчестер Юнайтед”нинг собиқ ҳужумчиси Жузеппе Россининг айтишича, клуб 2023 йилда дарвозабон Давид де Хеани жамоадан кетказиб катта хато қилган. У де Хеани “феноменал дарвозабон”, деб таърифлади.

Росси 2019 йилда икки ой давомида “Манчестер Юнайтед”да машғулотларда қатнашган ва шу вақтда Давид де Хеанинг даражасини яқиндан кўрганини айтди.

Давид де Хеа  2011 йилда Алекс Фергюсон томонидан “Манчестер Юнайтед”га олиб келинган. У клуб сафида 12 йил ўйнади ва жами 545 та ўйинда қатнашди.

Шу даврда у 4 марта “Йилнинг энг яхши ўйинчиси” совринини олган ва клубнинг энг ишончли футболчиларидан бири бўлган.

2023 йилда унинг шартномаси тугагач, клуб уни эркин агент сифатида қўйиб юборди.

Де Хеа кетганидан кейин “Юнайтед” унинг ўрнига Андре Онанани сотиб олди. Лекин бу қарор кутилган натижани бермади.

Онана ҳозирда Туркия клуби “Трабзонспор”да ижара асосида ўйнамоқда ва ёзда у бутунлай сотилиши мумкин.

Ҳозир эса 23 ёшли бельгиялик дарвозабон Сенне Ламменс  жамоа дарвозасида ишончли ўйин кўрсатмоқда. Клуб уни Давид де Хеанинг узоқ муддатли ўринбосари сифатида кўрмоқда.

Росси шундай деди:

“Мен 33–34 ёшимда “Манчестер Юнайтед”га машғулотларга қайтганимда Де Хеа ҳали жуда кучли эди. У деярли барча зарбаларни қайтарди. У клуб афсонаси ва жамоада етакчи эди. Шунинг учун менимча уни кетказиш хато бўлган. Агар шундай қарор қабул қилсангиз, албатта яхши ўринбосар топишингиз керак. Бу эса ўша пайтда тўғри иш эмасди.”