«Манчестер Юнайтед» Эдди Хауни oлиб келишни истаса 3 млн фунт товон тўлаши керак

“Манчестер Юнайтед” Эдди Хауни навбатдаги бош мураббий этиб тайинлашни истаса, “Ньюкасл”га тахминан 3 миллион фунт миқдорида товон тўлашига тўғри келади. Майкл Каррик эса фақат янги мураббий билан келишув тўлиқ расмийлашганидан сўнг лавозимидан озод этилиши кутилмоқда.

Манбага кўра, 3:0 ҳисобидаги “Борнмут”га йирик мағлубиятдан сўнг жамоа раҳбарияти Каррикнинг келажагини муҳокама қилган. Спорт директори Жейсон Уилкокс ва ижроия директори Омар Беррада билан суҳбат ўтказилганига қарамай, Каррик сешанба куни жамоага машғулот ўтказишни режалаштирмоқда. Бу мағлубият “Юнайтед” учун ғалабасиз ўйинлар сериясини саккизтага етказди.

Эдди Хау Уилкокс учун бош мураббий лавозимидаги асосий номзод ҳисобланади ва у ўзи ҳам бу ишни қабул қилишга тайёр. Июль ойида “Ньюкасл”ни тарк этар экан, Хау қолган шартнома муддати бўйича алоҳида келишувга эришган, шу боис “Ньюкасл” товон пули олиш ҳуқуқига эга.

“Манчестер Юнайтед” Хау билан бирга унинг мураббийлар штаби учун ҳам маълум миқдорда компенсация тўлаши керак бўлади. Унинг ёрдамчиси Жейсон Тиндал бу штабга бошчилик қилади.

Шу билан бирга, “Манчестер Юнайтед”нинг скаутлар ва трансферлар бўйича директори Кристофер Вивелл бошқа бир номзод – Германия терма жамоаси ва “Бавария”нинг собиқ бош мураббийи Юлиан Нагельсманни фаол равишда таклиф этмоқда.