"Манчестер Юнайтед" эътиборини бошқа ярим ҳимоячига қаратди

"Манчестер Юнайтед" ёзги трансферлар ойнасида битта ярим ҳимоячи сотиб олишни режалаштирган. Келиши мумкин бўлган футболчилар орасида Мэйсон Маунт фаворитлар қаторида эди. Аммо "Челси" "қизил иблислар"нинг 3 та таклифини ҳам рад қилди. Эндиликда МЮ бор эътиборини бошқа ярим ҳимоячига қаратди, дея хабар бермоқда "Times Sport" нашри. 

Маълум бўлишича, Тен Хаг раҳбариятдан "Брайтон" вакили Мойсес Кайседони ўз таркибига қўшиб олишни сўраган. Эквадорлик футболчининг нархи Маунтиникига қараганда бироз қимматроқ бўлади, лекин у 24 ёлшли инглиздан ёшроқ ва потенсиали юқоридир. 

Фабрицио Романо эса вазият бошқароқ эканлиги айтди. Унинг сўзларига кўра, Кайседо "Челси"га ўтишга қарор қилган. Тез орада "аристократлар" таклиф билан чиқади. Унга "Арсенал" ҳам қизиқмоқда, бироқ "канонирлар" айни дам бошқа трансферлар билан банд.