"Манчестер Юнайтед" франциялик ҳужумчи учун 50 миллион евро тўлаши мумкин!

"Кристал Пэлас" ҳужумчиси Жан-Филипп Матета "Манчестер Юнайтед"нинг асосий трансфер мақсадларидан бирига айланди.

"Fichajes" нашри маълумотига кўра, "қизил иблислар" раҳбарияти франциялик форвардни жамоа ҳужум чизиғини кучайтириш учун устувор номзод сифатида белгилаган.

"Кристал Пэлас" эса ўз етакчисини камида 50 миллион евро эвазига қўйиб юборишга тайёр.

Матетанинг Лондон клуби билан амалдаги шартномаси келаси йил ёзига қадар мўлжалланган.

29 ёшли ҳужумчи ўтган Англия Премьер-лигаси мавсумида 32 та учрашувда майдонга тушиб, 12 та гол урди. Уларнинг тўрттаси пенальтидан киритилган.