"Манчестер Юнайтед" ҳалоскори навбатдаги ўйинда майдонга тушмайди

"Манчестер Юнайтед" бош мураббийи Эрик тен Хаг ҳимоячи Харри Магуайр "Ноттингем Форест"га қарши ўйинда майдонга туша олмаслигини маълум қилди.

Фабрицио Романонинг хабар беришича, Рафаэль Варан ва Бруну Фернандешнинг иштирок этиши ҳам сўроқ остида қолмоқда, Каземиро эса жамоасига ёрдам бера олади.

Эслатиб ўтамиз, Англия кубоги 1/8 финал босқичидан ўрин олган "Манчестер Юнайтед" – "Ноттингем Форест" учрашуви 28 февраль куни бўлиб ўтади.