"Манчестер Юнайтед" "Интер" билан Онана трансфери устида музокара олиб бормоқда

Бугун "Манчестер Юнайтед" ва "Интер" дарвозабон Андре Онаннинг трансфери бўйича музокара олиб борди. Бу ҳақда журналист Фабрицио Биасин ижтимоий тармоқларда хабар берди. Унинг қайд этишича, “нерадзуррилар” 27 ёшли посбон учун тахминан 50 миллион евро + бонуслар сўрамоқда.

"Манчестер Юнайтед" ёзги трансфер ойнасида камерунлик дарвозабонни қўлга киритишни истамоқда.

Андре Онана ўтган йилнинг июль ойидан бери "Интер" сафида тўп сурмоқда. Италия клуби сафида 41 та расмий ўйинда дарвозабон 36 та гол ўтказиб юборган.

Эслатиб ўтамиз, нуфузли "Transfermarkt" портали Андре Онанни 35 миллион еврога баҳоламоқда.