“Манчестер Юнайтед” жамоани қутқарадиган ўйинчини Италиядан топди

Италия чемпионлиги учун курашаётган “Интер”нинг муваффақиятларида муҳим роль ўйнаётган Ҳоқон Чалханўғли келажагини Англия Премьер-лигаси билан боғлаши кутилмоқда.

Туркиялик футболчига  жиддий қизиқиш билдираётган “Манчестер Юнайтед” ярим ҳимоячини ёзги трансферлар даврида ўз сафига қўшиб олмоқчи.

 Экспертларнинг таъкидлашича, “Олд Траффорд”да ўйнаш ва ўзини янги чемпионатда кўрсатиш имконияти Чалханўғлини ҳам қизиқтириб қўйган.

Турк футболчиси майдонни яхши кўра олиш қобилияти, аниқ тўп узатиши ва стандарт вазиятлардан самарали фойдаланиши билан “Интер”нинг ўйинига сезиларли таъсир ўтказиб келмоқда. Рубен Аморим Ҳоқоннинг керативлиги ва етакчилик қобилиятини инобатга олган ҳолда, унинг ёрдамида жамоасини майдон марказидаги устунлигини таъминлашни режалаштиряпти.

Гарчи “Интер” етакчиларидан бирини қўйиб юборишни истамаётган бўлса-да, клубнинг мураккаб молиявий аҳволи ва ўйинчининг истаги бу борада муҳим аҳамият касб этиши айтилмоқда.