"Манчестер Юнайтед" ЖЧ-2018 ғолибини ўз сафига қўшиб олмоқчи

"Манчестер Юнайтед" клуби яна "Барселона" ҳимоячиси Самюэль Умтитининг трансферига қайтди.

Mundo Deportivo нашри тарқатган хабарга кўра ЖЧ-2018 ғолибига шахсан “қизил иблислар” устози Уле Гуннар Сульшер жидий қизиқиш билдирмоқда. Норвегиялик мутахассис уни ўз жамоасида кўрмоқчи.

Эслатиб ўтамиз, ўтган мавсум аввалида Умтити тиззасидан жиддий жароҳат олган ва мавсумнинг асосий қисмини даволаниш билан ўтказган эди. Шу боис у ўтган мавсум асосий таркибга кира олмади ва бор йўғи 15та ўйинда иштирок этди.