“Манчестер Юнайтед” жиддий ва қиммат трансферга қўл урди

“Манчестер Юнайтед” кўп гол ура оладиган ҳужумчи қидиришда давом этмоқда. Манчестерликлар нишонига ПСЖдан кетмоқчи бўлиб юрган Рандаль Коло Муани тушди.

Журналист Кристофер Михель хабарига кўра, манчестерликлар ҳужумчини қишки трансферлар вақтида ўз сафига қўшиб олмоқчи.

Рандаль Коло Муани ПСЖ сафида ҳар доим ҳам етарли даражада ўйин амалиётига эга бўлмаяпти. Қолаверса, натижалари ҳам юқори эмас.

25 ёшли футболчи жорий мавсумда барча турнирларда 12 та ўйин ўтказиб, рақиблар дарвозасини икки маротаба ишғол қилди холос.

Париж клуби билан яна тўрт йиллик шартномага эга футболчининг трансфер суммаси 40 миллион еврога баҳоланмоқда.