"Манчестер Юнайтед" Кэррик билан шартномани узайтиришга яқин

"Манчестер Юнайтед" раҳбарияти жамоа бош мураббийи Майкл Кэррик билан шартномани узайтиришга мойил.

Манбага кўра, директорлар кенгаши мутахассисга ишонмоқда ва унга узоқ муддатли имконият беришга тайёр. Клубда Кэррик яхши тактик ва жуда мулоқотчан мураббий сифатида баҳоланмоқда. Шунингдек, "қизил иблислар" айнан унга узоқ муддатли шартнома қилишлари мумкинлиги таъкидланмоқда.

Эслатиб ўтамиз, 44 ёшли мураббий жорий йил бошида жамоа бошқарувини қўлга олган ва мавсум охиригача қисқа муддатли шартнома имзолаган эди. Унинг қўл остида "Манчестер Юнайтед" муддатидан аввал Чемпионлар лигаси йўлланмасини қўлга киритди ва 2023 йилдан бери илк бор ушбу мусобақада иштирок этади.