"Manchester Yunayted" Lautaroni faol kuzatmoqda

"Manchester Yunayted" klubi "Inter" hujumchisi Lautaro Martinesga qiziqish bildirmoqda. Jurnalist Pita O’Rurkaning xabar berishicha, "qizil iblislar" argentinalik hujumchiga jiddiy qiziqish bildirmoqda.

Mankunianliklar yozda yangi hujumchi sotib olmoqchi. "Byornli"dan ijaraga olingan Vaut Vegxorst mavsum oxirida jamoani tark etadi va uning o‘rniga yulduzliroq futbolchi kelishi kerak. Martines eng arzon va jozibali variantlardan biri hisoblanadi.

Martinesning transfer narxi taxminan 80 million evroga baholanmoqda. 25 yoshli forvard joriy mavsum A Seriyada 19 ta gol va 5 ta golli uzatmaga mualliflik qildi.