«Манчестер Юнайтед» Лисандро Мартинесни клубни танқид қилгани учун жаримага тортади

«Манчестер Юнайтед» клуби ҳимоячи Лисандро Мартинесни жамоа ҳақидаги танқидий фикрлари учун жазолайди.

Чемпионлар лигаси доирасида «Атлетико»дан 0:2 ҳисобидаги мағлубиятдан сўнг аргентиналик ҳимоячи клубни танқид қилган эди.

«Мураббийларни доимий равишда алмаштириб бўлмайди. Кэррик қўлидан келган барча ишни қилмоқда. Бошқа соҳалар-чи? Мен каттароқ инвестицияларни кутяпман, техник директордан ҳам кўпроқ нарса кутаман», — деди Мартинес.

The Athletic нашри хабар беришича, «Юнайтед» билан боғлиқ бир нечта шахс футболчининг сўзларини «мисли кўрилмаган ҳолат» деб баҳолаган.

Клуб манбаларига кўра, Мартинес «муқаррар равишда» жаримага тортилади. Шунингдек, унинг 18 октябрь куни «Лидс»га қарши ўйинда асосий таркибда майдонга тушиши ҳам эҳтимолдан йироқ.