"Манчестер Юнайтед" Моуриньога 5 йиллик шартнома таклиф қилмоқда

Англиянинг “Манчестер Юнайтед” клуби раҳбарияти жамоа бош мураббийи Жозе Моуриньо билан амалдаги шартномани узайтиришга тайёр. Таъкидлаш лозимки, бундан аввалроқ томонлар ноябрь ойида бу борада музокараларни бошлашлари ҳақида хабарлар тарқалган эди. Бироқ, буларнинг барчаси албатта жамоанинг кўрсатадиган натижаларига боғлиқ.

Goal интернет нашрининг ёзишича манкуанликлар 54 ёшли португалиялик мутахассисга 65 миллион фунт эвазига 5 йиллик шартнома таклиф қилишмоқчи. Моуриньонинг ўзи эса шартномани узайтириш борасида ўйламаётганлигини айтмоқда. Бироқ, МЮдаги фаолиятини ҳам якунламоқчи эмас.

Эслатиб ўтамиз, “қизил иблислар” АПЛнинг ўтган 9та тур якунларига кўра 20 очко тўплаган ҳолда 2-ўринда боришмоқда.