"Манчестер Юнайтед" Онанага ўринбосар қидирмоқда

"Манчестер Юнайтед" "Порту" дарвозабони Диогу Коштага кўз тикмоқда.

"A Bola" нашриинг хабар беришича, манкунианликлар аллақачон 24 ёшли дарвозабоннинг ўйинини кузатиш учун ўз скаутларини юборган. Маълумотларга кўра, "Манчестер Юнайтед" келгуси қишда Коштани сотиб олишни режалаштирмоқда, аммо унинг қимматлиги муаммо бўлиши мумкин. Манбага кўра, "Порту" футболчини 75 миллион евро эвазига қўйиб юборишга тайёр.

Жорий мавсумда Кошта барча турнирларда 14 та ўйин ўтказиб, ўз дарвозасидан 23 та гол ўтказиб юборди ва уч марта ўз дарвозаси дахлсизлигини сақлаб қола олди.

Эслатиб ўтамиз, “Манчестер Юнайтед” шу йилнинг июль ойида Онанани “Интер”га 50 миллион евро тўлаб сотиб олган эди.