"Манчестер Юнайтед" плей-оффда, "Бавария" эса Киевда 1-ўринни нақд қилди

Европа Чемпионлар лигаси 5-туридан ўрин олган "Вильярреал" - "Манчестер Юнайтед" учрашуви якунига етди. Ушбу учрашувда манкуниаликлар рақибдан 2:0 ҳисобида устун келди. 

Ўйиннинг 78-дақиқасида Роналду ҳисобни очди. Баҳс сўнггига яқин Санчо орадаги фарқни иккитага етказиб қўйди. 

Ушбу ғалабадан сўнг "қизил иблислар" очколари сонини 10 тага етказиб олди. Айни дамда улар ўз гуруҳида пешқадам бўлиб турибди. 7 очкоси бор "Вильярреал" ҳозирча иккинчи поғонани банд этган. 

 

МЮ иштирокидаги ўйин билан параллел тарзда "Динамо" Киев ҳамда "Бавария" тўқнашуви бўлиб ўтди. Унда Мюнхен клуби 2:1 ҳисобида рақибдан устун келди. 

Немис клуби сафида голларга Левандовски ва Коман муаллифлик қилди. Бунга "Динамо" футболчиси Гармаш бир бора жавоб қайтарди.