"Манчестер Юнайтед" қишда икки позицияга янги футболчиларни жалб қилмоқчи

"Манчестер Юнайтед" раҳбарияти жамоа таркибини кучайтириш учун янги трансферлар устида иш бошлади.

"TBR Football" нашрининг хабарига кўра, "қизил иблислар" қишки трансферлар ойнасида икки позицияга футболчи олишни режалаштирмоқда — янги ўнг қанот ҳимоячиси ва марказий ярим ҳимоячи.

Клуб раҳбарияти португалиялик мутахассис Рубен Аморимга ишончи комил ва унга керакли футболчиларни олиб келиб берган ҳолда ёрдам бермоқчи.

Англия Премьер-лигасининг еттинчи туридан сўнг "Юнайтед" 10 очко жамғариб, жадвалда 10-ўринни эгаллаб турибди. Аморим шогирдлари пешқадам "Арсенал"дан 6 очкога орқада.