"Манчестер Юнайтед" Роналдуга ўринбосар топди

"Mirror" нашрининг хабар беришича, Англиянинг "Манчестер Юнайтед" жамоаси ПСВ ҳужумчиси Коди Гакпо бўйича таклиф билан чиқди.

Манбага кўра, МЮ Эйндховен клубининг молиявий муаммоларидан хабардор. Бу нидерландия жамоаси 23 ёшли ҳужумчини январ ойидаёқ 50 миллион евродан камроққа қўйиб юборишга тайёрлигини билдиради.

Манчестерликлар устози тен Хагнинг фикрича, Гакпонинг сотиб олиниши жамоанинг чемпионатда кучли тўртликдан жой олишидаги имкониятларини оширади. Мутахассиснинг айтишича, 23 ёшли футболчи жамоага Криштиану Роналду бера олмаган ҳужумдаги тажовузкорлик ва ғалабага ташналикни олиб келади.

Эслатиб ўтамиз, Гакпо Қатардаги мундиалда Нидерландия терма жамоаси сафида бешта учрашувда қатнашиб, учта гол уришга эришди.