"Манчестер Юнайтед" трансфер ортидан катта зарар кўрган

CIES Football Observatory сўнгги 10 йил ичида Европанинг топ 5 лигасида трансферлар учун ортиқча сарфланган маблағлар рейтингини эълон қилди.

"Манчестер Юнайтед" рейтингида биринчи ўринни эгаллади. “Қизил иблислар”нинг 2012 йил июлидан 2021 йил ноябригача амалга оширган 33 та трансфер нархи бўйича умумий қийматдан 238 миллион еврога қимматроқ. Бу вақт ичида клуб раҳбарияти барча харидлар учун тахминан 1,59 миллиард евро тўлаган.

Иккинчи ва учинчи ўринларда “Ювентус” (234 миллион евро) ҳамда ПСЖ (162 миллион евро) эгаллаб турибди.

Кучли бешликка “Астон Вилла” (149 миллион евро) ва “Челси” (135 миллион евро) якун ясаган.